وَالَّذِينَ جَاءُوا مِنْ بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِلَّذِينَ آمَنُوا رَبَّنَا إِنَّكَ رَءُوفٌ رَحِيمٌ
അവരുടെ ശേഷം വന്നവരോ, അവര്‍ ഇങ്ങനെ പ്രാര്‍ത്ഥിച്ചുകൊണ്ടിരിക്കുന്ന വരുമാണ്: ഞങ്ങളുടെ നാഥാ, ഞങ്ങള്‍ക്കും വിശ്വാസം കൊണ്ട് ഞങ്ങളെ മുന്‍കടന്നവരായ ഞങ്ങളുടെ സഹോദരങ്ങള്‍ക്കും നീ പൊറുത്തുതരേണമേ! ഞങ്ങളുടെ ഹൃദയങ്ങളില്‍ വിശ്വാസികളായവരോട് യാതൊരു വിദ്വേഷവും ഉണ്ടാക്കുകയും അരുതേ! ഞങ്ങളുടെ നാഥാ, നിശ്ചയം നീ കൃപാലുവായ കാരുണ്യവാന്‍ തന്നെയാകുന്നു.
വിശ്വാസിയായ അല്ലാഹുവിന്‍റെ സംഘത്തില്‍ പെട്ട വിശ്വാസികള്‍ എല്ലാ ജീവികളുടെയും ആത്മാവ് നാഥനില്‍ നിന്നുള്ളതാണെന്നും ആത്മാവിന് സഞ്ചരിക്കാനുള്ള വാഹ നമായ ശരീരം മാത്രമാണ് വ്യത്യാസപ്പെട്ടിട്ടുള്ളതെന്നും തിരിച്ചറിഞ്ഞവരും സ്വന്തത്തിന് ഇഷ്ടപ്പെടുന്നത് സ്വസഹോദരന് ഇഷ്ടപ്പെടുന്നതുവരെ ഒരാളും വിശ്വാസിയാവുകയില്ല എന്ന് പ്രവാചകനിലൂടെ പഠിപ്പിച്ചത് എപ്പോഴും ഓര്‍മ്മിക്കുന്നവരും അദ്ദിക്റില്‍ നിന്ന് അ ല്ലാഹുവിനെ കണ്ടുകൊണ്ട് അവന്‍റെ പ്രതിനിധികളായി ഇവിടെ ചരിക്കുന്നവരുമാണ്. അ വര്‍ സ്വര്‍ഗത്തിലേക്കുള്ള ടിക്കറ്റായ അദ്ദിക്ര്‍ പഠിക്കുന്നവരും പഠിപ്പിക്കുന്നവരും മറ്റുള്ള വര്‍ക്ക് എത്തിച്ച് കൊടുക്കുന്നവരുമാണ്. അവര്‍ എല്ലാഓരോ ആയിരത്തിലും ഒന്ന് മാത്ര മാണുള്ളത്. മുന്‍കഴിഞ്ഞ് പോയവരില്‍ നിന്നുള്ള വിശ്വാസികള്‍ അറിയപ്പെടാത്തവരാണ് എന്നതിനാലാണ് ഗ്രന്ഥം പിന്‍പറ്റി ജീവിച്ച് സ്വര്‍ഗത്തിലേക്ക് തിരിച്ച് പോയവര്‍ക്കും പൊറുത്തുതരേണമേ എന്ന് പ്രാര്‍ത്ഥിക്കാന്‍ വിശ്വാസികള്‍ ഈ സൂക്തത്തിലൂടെ കല്‍പിക്കപ്പെട്ടിട്ടുള്ളത്. 7: 43; 9: 71-72; 23: 51-53; 47: 19 വിശദീകരണം നോക്കുക.